Ikinasal na ang ikalawang anak ni Naga City Mayor Leni Robredo na si Tricia Robredo sa kanyang partner na si Stephen Vega.
Naganap ang intimate ceremony ng dalawa sa Boston City Hall sa Massachusetts, USA.
Isiniwalat ang magandang balita ng US-based photographer na si Dominique Holliday matapos niyang mag-post sa social media ng engagement at wedding photos nina Tricia at Stephen.
“Call me a lucky duck because I got to photograph these two twice in just 12 days! Once for their engagement and then again spontaneously again for their city hall elopement,” inilagay na caption ni Holliday.
Ibinisto rin niyang magkakaroon ng “big wedding in the Philippines” ang dalawa.
“While I won’t be the photographer at their big wedding in the Philippines, I feel lucky to have documented this chapter for them here, in Boston, as a fellow Bostonian,” ani Holliday.
Si Janine Patricia “Tricia” Robredo ay pangalawang anak ni dating Vice President Leni Robredo at yumaong kalihim ng DILG na si Jesse Robredo.
Pumasa siya sa Physician Licensure Examination noong November 2020 at natapos ang kanyang masters of medical science sa Harvard University noong 2024. (IS)
