34

Dec 22, 2017 @ 12:07

‘Vinta’ bahagyang humina, tinatahak ang Davao Region

Bahagyang humina ang bagyong Vinta habang binabagtas ang hilagang parte ng Davao Region, ayon sa Philippine Atmospheric, Geophysical and Astronomical Services Administration (PAGASA).

Sa 10 a.m. weather bulletin ng PAGASA ngayong araw, nasa bisinidad ng Malaybalay City, Bukidnon ang lokasyon ng bagyo na may lakas na 80 kilometro kada oras (kph) at pagbugsong 130 kph.

Babaybayin nito ang hilaga hilagang-kanluran ng Zamboanga City sa susunod na 24-oras.

Nakataas pa rin ang Tropical Cyclone Warning Signal (TCWS) Number 2 sa Agusan del Sur, Davao del Norte, North Cotabato, Misamis Oriental, Bukidnon, Lanao del Norte, Lanao del Sur, Misamis Occidental, Zamboanga del Norte, Zamboanga del Sur at Zamboanga Sibugay. Habang Signal No. 1 sa Southern Leyte, Bohol, Southern Cebu, Negros Oriental, Southern Negros Occidental, Siquijor, Dinagat Island, Surigao del Norte, Surigao del Sur, Agusan del Norte, Camiguin, Compostela Valley, Davao Oriental, Davao del Sur, Maguindanao, Sultan Kudarat at Basilan.

Dagdag pa ng weather bureau, sa loob ng 24-oras ay asahan na ang kalat-kalat, katamtaman hanggang sa malakas na pag-ulan sa Visayas at Mindanao.

Makibahagi: Ano ang masasabi mo sa balita na ito?