94

Aug 12, 2019 @ 15:06
By

Tsuper sa Bulacan, pinuri ng netizens

Viral ngayon ang kwento ni Twitter netizen @im_vjhaaayyy tungkol sa kakaibang promo sa pamasahe ng isang tsuper sa Malolos, Bulacan.

Akala daw niya nung una, biro lang ‘yung nakasaad sa sign board. Pero biglang sumigaw ang driver:

“Magandang hapon po, may promo po tayo kapag po senior, PWD, biyuda, buntis, single mom, iniwan ng boyfriend o may birthday, libre na po,” saad ng netizen.

Binabalik daw talaga ni manong drayber ang bayad kapag kasama sa nabanggit, at hindi tinatanggap ang bayad kahit pa ipilit ng pasahero.

Minsan nga, ang tsuper pa ang nagbibigay ng baon kapag estudyanteng walang baon.

Ngayong 2:35 ng hapon, umani ang unang tweet sa thread ng 3.4K retweets at 8.1K likes.

Natuwa naman ang netizens kay manong drayber.

May isang netizen na nagbahagi ng kakaiba ring fare matrix ng isang tsuper na biyaheng pa-Malolos Bayan.

Makibahagi: Ano ang masasabi mo sa balita na ito?