34

Mar 21, 2018 @ 18:56
By

Total closure sa Boracay may ‘go signal’ na ni Duterte

Mihatag na ug go signal si Presidente Rodrido Duterte aron himoun ang angayang buhaton nga aksyon alang sa rehabilitasyon sa Boracay island.

Matud ni Duterte sa iyang pagtambong kagabii sa general assembly sa League of the Municipality of the Philippines nga iyang na estorya si Department of Interior and Local Government (DILG) Secretary Eduardo Año ug mipaluyo kini sa bisan unsang desisyon alang sa kaayohan sa maong isla.

Madugay gayud ang himong rehabilitasyon sa Boracay tungod kay daghan kining tarongon ang isla

“Sabi ko, “General, nandiyan ka, I placed you there, whatever is your decision I will support you. Bahala ka you just make the recommendation and if I find everything that is all right and in consonance with the — diretso na.”

Sabi niya it will take about something like six months. Sabi ko, “then do it.” Kayo man rin ang nagsira ng Boracay hindi man kami,” matud sa Presidente.

Wala na panumbalinga sa Presidente nga giingong hulga nga protesta sa mga resort ownes, trabahante ug mga residente sa Boracay nga maapektuhan sa himoung pagsira sa maong isla.

Sabihin na mag-demonstrate-demonstrate ka, ah huwag mo akong bigyang ganung kalokohan. Not with me,” dagdag pa ng Pangulo.

Sayo niini gipahinbalo nilang Año, Department of Environment and Natural Resources (DENR) secretary Roy Cimatu ug Tourism Secretary Wanda Teo ang ilang rekomendasyon kang Presidente Duterte nga pasirad an Boracay island isip tourist destination , nga posibling moabot ug usa ka tuig aron ibalik ang kaanindot sa tibuok isla.

Dismayado ang Presidente tungod kay wala na maatiman sa mga resort owner ang pagpanalipod sa kinaiyahan, ilabi na nga walay klarong labayanan ug basura ug walay sewage system busa iyaha kining pasirad-an hangtud nga malimpiyo na kini.

Makibahagi: Ano ang masasabi mo sa balita na ito?