10
duterte-3
By

Total ban sa e-cigarette inihirit kay Duterte

Sharing is caring!

Kay Pangulong Rodrigo Duterte na nanawagan ang isang health group para magkaroon ng total ban sa paggamit ng electronic cigarettes o e-cigarette.

Sinabi ni Mary Ann Mendoza, ang pangulo ng Health Justice Group, nais nila na ipahinto ni Pangulong Duterte sa buong bansa ang pagbebenta at paggamit ng e-cigarettes at vapes tulad ng ginawa nito sa Davao City.

Aniya, layon lang nila na mailayo ang mga kabataan sa panganib na dulot ng nauusong alternatibo sa sigarilyo.

Ibinahagi ni Mendoza ang ulat ng World Health Organization noong nakaraang taon kung saan sinasabi na seryosong panganib sa kalusugan, maging sa mga fetus, ang paggamit ng e-cigar.

Binanggit din nito ang pag-aaral na isinagawa ngayon lang taon ng The National Academies of Sciences, Engineering and Medicine kung saan lumabas na may matibay na ebidensiya na bukod sa nicotines, karamihan sa e-cigarrettes ay ginagamitan ng mga delikadong sangkap.

Bukod pa rito aniya ang panganib maging sa mga hindi naman gumagamit nito ngunit nalalanghap ang usok na mula sa mga mapanganib na kemikal.

Makibahagi: Ano ang masasabi mo sa balita na ito?