138
pool-vismin
By

Teenager nakoryentehan sa swimming pool patay

Sharing is caring!

Gitapos sa trahedya ang malipayon untang paglangoy langoy sa pito ka mga managhigala human kini makoryentehe ug namatay ang usasa ilang kauban nga naligo sa swimming pool sa Quezon City, niadtong Huwebes sa gabii.

Giila ni P/ Supt. Rodelio B. Marcelo, hepe sa Criminal Investigation and Detection Unit (CIDU) sa Quezon City Police District (QCPD) ang biktima nga si Joseph Manuzon Rivera, 17-anyos, ug molopyu sa Babuyan Alley, No. 13 F. Gen. Avenue, Brgy, Bahay Toro, Quezon City.

Sa inisyal nga imbestigasyon ni PO3 Julius Cesar Balbuena, sa CIDU, ang insidente nahitabo mga alas 10:25 sa gabii niadtong Huwebes sa swimming pool area sa Magnolia Place nga nahimotang sa Tandang Sora Ave., Brgy. Talipapa sa maong siyudad.

Subay sa pamahayag ni Jan Jedson Umali, usa sa mga kaubang naligo sa swimming pool sa biktima, mihaw-as na siya sunod ni Rivera ug kalit nga na slide sa hagdanan sa pool ug nakagunit kini sa suga sa garden.

Tungod niini kalit lang mi spark ang koryente nga nagunitan ni Rivera ug nakita niyang nagbuy-od na kini.

Tabangon unta niya pero nahadlok kini nga basin siya usab ang makoryentihan , busa nangayo nalang siya ug tabang sa pool attendant nga dali usab nga na tangtang ang visaksak nga koryente sa garden.

Dali dayung gihaw-as ang biktima ug gidala sa RLCT Mother and Child Hospital apan nakabsan gayud kini sa iyang kinabuhi.

Makibahagi: Ano ang masasabi mo sa balita na ito?