73

Jan 30, 2019 @ 14:48
By

Team World vs Team USA bibira sa Pebrero 16

Sasambulat ang 2019 MTN DEW ICE Rising Stars sa Pebrero 16 (Manila time) na gaganapin sa Spectrum Center sa Charlotte, North Carolina.

Tatampukan ito nina reigning Kia NBA Rookie of the Year Ben Simmons (Philadelphia 76ers), 2017-18 Rookie of the Year runner-up Donovan Mitchell (Utah Jazz) at two-time reigning Kia NBA Western Conference Rookie of the Month Luka Dončić (Dallas Mavericks).

Magsasalpukan ang 10 first and second year NBA players laban sa 10 first and second year NBA players mula sa iba’t ibang bansa sa naturang 25th Rising Stars game sa NBA All-Star.

Ibabandera nina Lonzo Ball at Kyle Kuzma (Los Angeles Lakers), Jayson Tatum (Boston Celtics), Jarrett Allen (Brooklyn Nets), Marvin Bagley III at De’Aaron Fox (Sacramento Kings), John Collins at Trae Young Atlanta Hawks, at Jaren Jackson Jr (Memphis Grizzlies) ang Team USA na iko-coach ni Boston Celtics star Kyrie Irving.

Makakasama naman ni Simmons (Australia) at Doncic (Slovenia) sina OG Anunoby (United Kingdom) mula sa Toronto Raptors, center Deandre Ayton (Bahamas) Phoenix Suns, Bogdan Bogdanović (Serbia) Sacramento Kings, Shai Gilgeous-Alexander (Canada) LA Clippers, Rodions Kurucs (Latvia) Brooklyn Nets, Lauri Markkanen (Finland) Chicago Bulls, Josh Okogie (Nigeria) Minnesota Timberwolves at Cedi Osman (Turkey) Cleveland Cavaliers para sa Team World na pangungunahan ni Dallas Mavericks Dirk Nowitzki (Germany) bilang kanilang coach.

Makibahagi: Ano ang masasabi mo sa balita na ito?