30
abante-tnt-vismin-geraldine-roman
May 27, 2018 @ 19:43
By

Taas nga pensiyon sa mga beterano, aprobado na sa Kamara

Pasado na sa ika duhang pagbasa sa Kamara ang House Bill 725 nga nagtinguhang pasakaan ang binuwan nga pensiyon sa mga beterano.

Ilawom sa maong balaodnon nga gipangamahanan ni Bataan Rep. Geraldine Roman, himoung P20,000 gikan sa P5,000 ang old age pension sa senior veterans.

Lakip sa old age pension increase ang mga beterano sa World War II, Korean ug Vietnam Wars. Alang sa mga beterano sa Korean ug Vietnam wars, kinahanglan nga wala silay nadawat nga pensiyon gikan sa Armed Forces of the Philippines (AFP).

Limitado usab sa mga buhi pa nga senior veterans ug dili mahimong ibalhi kang bisan kinsa nga sakop sa pamilya o dependent.

Nabutang sa maong bill nga ang kantidad nga gikinahanglan alang sa pasiunang implementasyon sa old pension increase pagakuhaon kini sa pundo sa Philippine Veterans Affairs Office (PVAO), ug ilakip sa tinuig nga budget ang pundo aron magpadayun ang pagpatuman sa programa.

Matud ni Roman, ang kasamtangan nga P5,000 nga pensiyon sa mga beterano nga nahimong balaod 21na ka tuig ang milabay ug dili na kini paigo sa panginahanglan sa mga beterano aron magpuyo nga disente.

“Our veterans have sacrificed much for our country. People who have dedicated their lives in the service of the country should, at the very least, be able to live out the days of their days comfortably without worrying about their basic needs,” pagpasabot sa kongresista.

Makibahagi: Ano ang masasabi mo sa balita na ito?