Dengvaxia
By

Sanofi nagmatigas sa Dengvaxia

Sharing is caring!

Iginiit ng Sanofi Pasteur na sinunod nila ang lahat ng mga itinakdang panuntunan ng Food and Drug Administration (FDA) sa pagpapagamit ng Dengvaxia vaccine sa dengue vaccination program ng gobyerno.

Una nang pinatawan ng FDA ang kompaniya ng P100,000 multa at kasabay ng pagsuspinde sa  Certificates of Product Registration (CPR) ng Dengvaxia.

Ayon sa ahensiya, hindi nakapagsumite sa tamang oras ang Sanofi ng pharmacovigilance plan para sa Pilipinas at mga post-approval requirements.

Sa kanilang pahayag, iginiit ng Sanofi Pasteur na bahagi ng kanilang standard practices na magsagawa ng mga “post-approval commitments” upang tuluy-tuloy na matiyak ang pagiging ligtas at mabisa ng kanilang mga bakuna kabilang na ang Dengvaxia.

Nakalagay anila sa isinumite nilang paharmacovigilance plan sa FDA at iba pang mga regulatory agencies ng bansa, na naisagawa na nila ang mga ito at patuloy pang susundin.

Nagbabala na rin ang FDA na kung patuloy na susuway ang Sanofi, maaaring makansela ang kanilang CPR, maging ang kanilang license to operate at pagpapasara sa kompaniya.

Makibahagi: Ano ang masasabi mo sa balita na ito?