16

Feb 20, 2018 @ 17:34
By

Sanofi, mohatag og kompensasyon kung momandu ang korte

Andam mohatag ug kompesasyon ang Sanofi Pasteur kung kapamatud-an sa hukmanan nga adunay direktang nga hinungdan ang Dengvaxia sa nasinati ug kadaut sa mga tawo nga nabakunahan niini.

Sa sulat ni sa Sanofi kang Department of Health Sec. Francisco Duque, ilang giklaro andam silang motuman sa desisyon sa korte.

“Sanofi reiterates that, if, after transparent scientific and medical assessments, Sanofi Pasteur is declared liable for an injury directly causally linked to Dengvaxia vaccine in a court of law, we will provide compensation as per the court decision,” kabahin sa sulat sa Sanofi.

Ang maong sulat gipirmahan ni Thomas Triomphe, pangulo sa Sanofi Pasteur sa Asia Pacific Region.

Matud niya nga walay bakuna nga 100-percent ka epiktibo nga maghatag ug proteksyon batok sa gipamati sa lawas.

Sama sa ubang mga bakuna, wala mosulti ang Sanofi nga 100% nga epiktibo ang Dengvaxia.

Apan gibarogan sa Sanofi nga ang paggamit sa Dengvaxia sa Pilipinas, aduna gayuy pagminus sa gidaghanon sa mga nangasakit sa dengue ug severe dengue.

Gipaniguro sa Sanofi nga magpabilin silang bukas sa DOH sa pagpangitag pamaagi aron batokan ang makamatay nga dengue aron mahibalik ang pagsaliog sa publiko sa mga bakuna.

Makibahagi: Ano ang masasabi mo sa balita na ito?