3
bsp-viz
By

Remittance sa mga OFW sa Q1 sa 2018 misaka – BSP

Sharing is caring!

Miabot sa $7.8 bilyon ang kantidad sa personal remittances o gipadalang kuwarya sa mga Overseas Filipinos alang sa unang quarter sa tuig 2018.

Matud sa Bangko Sentral ng Pilipinas (BSP), mas taas ang maong kantidad ug 1.3-percent kun itandi sa natala sa miaging tuig.

Matud ni BSP Officer-in-Charge Diwa Guinigundo, 77.5-percent o 6.1 billion dollars sa personal remittances naggikan sa mga land-based workers nga adunay kontrara nga usa ka tuig o subra pa, samtang 20-percent o 1.6-billion dollars naggikan usab sa mga sea-based workers ug mga trabahante nga adunay kontrata sa trabaho nga ubos sa usa ka tuig.

Gani gitumbok sa BSP nga miubos ug 9.9-percent ang personal remittances niadtong March 2018 nga mitala ug 2.6-billion dollars kun itandi sa natala sa Marso sa miaging tuig.

Posibling hinungdam sa pag-ubos sa remittance niadtong Marso kay mubo lang ang banking days tungod sa semana santa.

Mahimo usab nga nakaapekto ang gihimong repatriation sa mga Pilipinong trabahante gikan sa Middle East.

Matud sa Department of Labor and Employment (DOLE), nga niadtong February 8, 2018 moabot sa usa ka libo ka pinoy nga nagtrabaho sa Kuwait ang gipapauli sa nasud.

Ang 80-percent sa remittance sa unang tulo ka buwan sa 2018 naggikan kini sa Estados Unidos, United Arab Emirates, Japan, Singapore, United Kingdom, Canada, Qatar, Germany ug Hong Kong.

Makibahagi: Ano ang masasabi mo sa balita na ito?