7
views
puerto-galera
By

Puerto Galera ug Baguio target nga iparehab sa DOT

Sharing is caring!

Gimonitor na sa Department of Tourism (DOT) ang kahimtang sa Puerto Galera sa Oriental Mindoro ug ang dakbayan sa Baguio nga sikat usab nga adtoun sa mga turista.

Matud ni DOT Tourism Assistant Secretary Ricky Alegre, nga nakig alayon na sila sa mga lokal nga opisyal sa Puerto Galera aron mainspeksyon ang mga beach resort sa maong dapit.

Sayo niini gimanduan sa Department of Environment and Natural Resources (DENR) nga ipaguba ang dili moubos 13 ka establisimento sa Puerto Galera tungod sa kalapasan sa coastal easement zone.

Napulo usab ka balay patigayun ang milapas sa easement zone gikan sa diving site sa Sabang samtang tulo usab gikan sa White Beach area.

Matud usab ni DOT Secretary Wanda Teo nga bisan ang dakbayan sa Baguio ila usab nga gitun an nga ipailawom sa rehabilitasyon.

Gusto nilang masayran ang environmental damage sa Baguio nga giilang summer capital sa nasud.

Sayo niini gitumbok nga World Health Organization niadtong 2014 na ang Baguio adunay labing daku nga problema sa polusyon sa hangin sa nasud, pero matud sa Cordillera Environment Management Bureau, nga ang kalidad hangin sa Baguio inanay nang minindot subay sa ilang datos niadtong December 2017.

Makibahagi: Ano ang masasabi mo sa balita na ito?