91

Feb 3, 2018 @ 19:23

Prime suspek sa pagpatay sa usa ka sakop sa Airforce nagpadalag surrender feeler

Ang kapolisan sa dakbayan sa Talisay nakadawat ug surrender feeler gikan sa giilang prime suspek sa pagpatay sa usa ka sakop sa airforce nga si Staff Sgt. Mark Herbert Oberes.

“We received a word from her that she is going to surrender,” matud ni Talisay City Police Director, Supt. Mari Conag.

Ang giingog mastermind, mao si Edna Cabañog ang inahan sa 20 anyos nga si Resamarie Cabañog nga maoy mistress ni Oberes.

Kasong murder ang gipasaka batok ni Resamie ug sa iyang uyab nga si Joshua Garciano sa City Prosecutor Office niadtong Biernes sa hapon.

Sa gihimong pakisusi sa kapolisan nasuta nga si Oberes gikulata sa wala pa kini pusila sa Corazon Village, Brgy. San Isidro sa dakbayan sa Talisay.

Gisakay ang lawas ni Oberes sa iyang sakyanan og gidala sa dakbayan sa Carcar og gisunog ang sakyanan pasado alas 9:00 sa gabii.

Sa gihimong operasyon sa kapolisan ilang nasikop silang Resamarie ug ang iyang uyab nga si Garciano.

Makibahagi: Ano ang masasabi mo sa balita na ito?