24

Sep 23, 2020 @ 22:08
By

PJ Simon paalam na sa PBA

Matapos ang walong kampeonato at 16 taong career sa Purefoods franchise sa PBA, inanunsyo ni PJ Simon ang kanyang pagreretiro.

Trending siya ngayong Miyerkoles sa Twitter Philippines.

“Hindi ko inakalang posible pala para sa isang payat at maliit na bata mula sa Makilala, North Cotabato na makarating sa PBA. Hindi ko rin inakala na pagkatapos hindi mapansin nung 2001 PBA Rookie Draft na posible pa pala mag-iwan ng sarili kong marka sa liga. Nakakalungkot man pero ito na siguro yung tamang panahon para magpaalam sa liga,” sabi ng 40-year-old guard sa Instagram post.

“Kinailangan kong umuwi ng Davao nung nagkasakit at namatay ang father ko at nahirapan na rin akong makabalik dahil sa pandemya. Sign na rin siguro yun na ito na yung tamang time para magretiro.”

Biningwit si Simon ng Sta. Lucia sa fifth round ng Rookie Draft taong 2001.

Kalaunan ay napasama siya sa roster ng Purefoods at naging piyesa ng koponan para sa walong titles kabilang ang Grand Slam noong 2014.

Kabilang sa achievement niya ang pagiging Three-Point Shootout king, All-Star Game MVP at dalawang Mr. Quality Minutes award.

View this post on Instagram

Hindi ko inakalang posible pala para sa isang payat at maliit na bata mula sa Makilala, North Cotabato na makarating sa PBA. Hindi ko rin inakala na pagkatapos hindi mapansin nung 2001 PBA Rookie Draft na posible pa pala mag-iwan ng sarili kong marka sa liga. Nakakalungkot man pero ito na siguro yung tamang panahon para magpaalam sa liga. Kinailangan kong umuwi ng Davao nung nagkasakit at namatay ang father ko at nahirapan na rin akong makabalik dahil sa pandemya. Sign na rin siguro yun na ito na yung tamang time para magretiro. Binigay ko yung 17 years ng buhay ko sa PBA, sa Magnolia Hotshots, at sa lahat ng fans but now it’s time to focus on my family. My wife is pregnant and gusto ko magkasama kami as we start a family. Sobra-sobra ang mga biyayang natanggap ko sa buhay ko especially sa aking PBA career at pinapasalamatan ko ng buong puso ang Panginoon. Naging sandalan ko ang Diyos sa bawat desisyon na aking tinatahak at pinapalangin ko na lagi akong gabayan ng Panginoon sa aking paglalakbay. Nagpapasalamat din ako kay Boss RSA na nagbigay ng oportunidad sa akin sa larangan ng basketball at negosyo, sa lahat ng naging coach at naging teammates ko sa loob ng 17 years sa paglalaro ko sa liga, sa mga support staff and management side, sa buong PBA, sa Magnolia franchise, at sa lahat ng fans na walang sawang sumuporta sa akin. Umaasa ako na magkikita-kita tayo sa panahon na iretiro ang aking numero. This is PJ Simon, The SuperSub, Your Scoring Apostle, signing out.

A post shared by Peter June Simon (@pjs08) on

Makibahagi: Ano ang masasabi mo sa balita na ito?