112

Oct 1, 2021 @ 21:17
By

Pinoy nominadong ‘Mobile Player of the Year’

Isa sa mga finalist para sa Esports Mobile Player of the Year sa 2021 Esports Awards si Karl “KarlTzy” Nepomuceno ng local team na Bren Esports.

Naging headline abroad si KarlTzy nang tulungan niya ang Bren Esports na mahablot ang Mobile Legends M2 World Championships title sa Singapore nitong taon.

Siya ang tinanghal na Finals Most Valuable Player sa kompetisyon.

Makakabangga ni KarlTzy sa Esports Mobile Player of the Year award ang iba pang player mula sa iba’t ibang bansa.

Ito ay sina sina Zhu “Paraboy” Bocheng ng China, Mohamed “Mohamed Light” Tarek ng Egypt, Gabriel “Syaz” Vasconcelo ng Brazil, Mustafa “Skyriikzz” Ibrahim ng Austria, Jash “Learn” Shah ng India, Piyapon “TheCruz” Boonchuay ng Thailand, Brian “Tectonic” Michel ng US, Lucas “LucasXGamer” Vinicius Batista Rocha at Cauan “Cauan7” Santos da Silva ng Brazil.

Iaanunsiyo ang mananalo sa Nobyembre 20 sa Arlington, Texas, USA.

Makibahagi: Ano ang masasabi mo sa balita na ito?