56

Jan 5, 2022 @ 21:35

Ping nakilahok sa laro tampok ang mga kilalang pulitiko

Isa pang katangian na hindi alam ng publiko ang isiniwalat ni Partido Reporma 2022 presidential elections standard-bearer Panfilo ‘Ping’ Lacson sa isa sa pinakabagong episode ng kanyang iPingTV official channel sa YouTube.

Ito ay nang laruin niya ang “Politicians Word Association” game kung saan nagbigay siya ng ilang mga salita at pangungusap para sa mga kilalang pulitiko at personalidad sa Pilipinas at iba’t ibang mga bansa.

Kabilang sa mga naitampok sa laro ang mga dati at kasalukuyang pinuno ng iba’t ibang malalakas at maimpluwensyang pamahalaan gaya ng mga namayapang punong ministro na sina Lee Kuan Yew ng Singapore at Winston Churchill ng Great Britain.

“My idol, my role model. I would like to be like him,” banggit ni Lacson kay Lee, kung saan madalas siyang naikukumpara ng kanyang mga tagasuporta dahil sa kanilang istilo ng pamumuno na nakatuon sa disiplina.

Idolo rin daw ni Lacson si Churchill dahil sa kanyang “wit, sarcasm, statesmanship, and bravado” ng namayapang dating lider.

“Great woman” naman ang binanggit ni Lacson kay dating German Chancellor Angela Merkel habang “don’t throw garbage again. Don’t dump garbage in my country, please” ang naging mensahe niya kay Canadian Prime Minister Justin Trudeau.

Narito pa ang mga ilang pahayag ni Lacson sa iba pang mga personalidad:

Adolf Hitler – “I hate that guy, as everybody hates that guy”
Donald Trump – “Another guy”
Joe Biden – “I wish him well…”
Che Guevara – “A rebel, revolutionary”

Ito naman ang nabanggit ni Lacson sa mga naging lider ng Pilipinas at mga sikat na personalidad sa bansa:

Dating Pangulong Noynoy Aquino – “Good man”
Fidel V. Ramos – “Economy”
Joseph ‘Erap’ Estrada – “May he find peace”
Gloria Macapagal-Arroyo – “Next please”
Fernando Poe, Jr – “A legend”
Teddy Locsin, Jr. – “Go, go, go!”
Leonor Briones – “Budget coach”
Loren Legarda – “Macho”
Gwen Garcia – “A friend”
Benjie Magalong – “Another champion”
Guillermo Eleazar – “Welcome”
Herbert Bautista – “Bistek, very good”
Vico Sotto – “Two thumbs up”

Ang video ay kinunan sa kanyang bahay-pahingahan sa Imus, Cavite.

Makibahagi: Ano ang masasabi mo sa balita na ito?