43

Mar 1, 2020 @ 18:03
By

‘Pinas pugad ng mga Chinese money launderer – Drilon

Kumbinsido si Senate Minority Leader Franklin Drilon na ang malaking halaga ng cash na pinapasok sa bansa mga Chinese national ay bahagi ng money laundering scheme ng mga sindikato kaya’t mistulang nagiging pugad na ang Pilipinas ng mga money launderer.

“Sa akin, maliwanag na ginagamit ang ating bansa para sa money laundering. Talagang lumalaganap at lumalakas ang loob nitong mga Chinese syndicate at nagiging haven tuloy ang ating bansa for money launderer,” pahayag ni Drilon sa panayam ng DZBB.

Si Drilon ang Senate President nang ipasa ng Kongreso Republic Act 9160 o Anti-Money Laundering Act of 2001.

“We have never seen this kind of behaviour. They seem very confident that they will not be caught,” ayon pa sa senador.

Sabi ni Drilon, hindi naman iligal para sa mga dayuhan na magbitbit ng malaking halaga ng pera sa bansa subalit kailangang i-report ang halaga nito sa Bureau of Customs.

Ayon pa sa senador, ang pagiging pugad ng mga money launderer ay maaaring may kinalaman sa pamamayagpag ng mga casino at Philippine Offshore Gaming Operators o POGO sa bansa.

“Casinos are among the industries that anti-money laundering coalitions worldwide consider to be prone to money-laundering schemes,” ani Drilon.

Suspetsa ng senador, milyong dolyar ang dumarating sa bansa sa pagitan ng Disyembre 2019 hanggang February 2020 at pinapasok sa mga casino at POGO.

Ayon pa kay Drilon, anumang casino transaction na P5 milyon o higit ay dapat busisiin na ng Anti-Money Laundering Council (AMLC).

“Any cash transaction of P5 million or its equivalent in other currencies are covered by the law and must be reported to the Anti-Money Laundering Council (AMLC),” paliwanag ng mambabatas.

Makibahagi: Ano ang masasabi mo sa balita na ito?