20

Oct 26, 2021 @ 16:37
By

Palasyo: Inday Sara hindi magiging substitute candidate

Hindi tatakbo sa pagkapresidente si Davao City Mayor Sara Duterte sa darating na May 2022 elections.

Ito ang binigyang-linaw ni presidential spokesman Harry Roque sa isa brefieng nitong Lunes.

Muli kasing naghinala ang taumbayan sa maaaring pasabog na pagtakbo ng alkalde matapos niyang makipagkita kila Cebu Governor Gwen Garcia at presidential candidate dating senador Ferdinand “Bongbong” Marcos, Jr.

“Ang sabi po sa akin ni Governor Gwen, ang sabi daw ni Mayor Sara on her possibility of running for President, that ship has sailed,” sabi ni Roque.

“So talagang mayor ang takbo ni Mayor Sara,” dagdag pa ni Roque.

Ani Sara, bumisita siya sa naturang probinsya para makipag-usap sa kanyang pinsan na si Cebu 5th district board member Red Duterte.

Dagdag pa rito, naging usap-usapan din na magiging substitute candidate si Inday Sara ni presidential aspirant Senador Ronald ‘Bato’ dela Rosa lalo pa’t nag-eyeball ang dalawa sa Davao City nitong Lunes.


“Teaser lang muna ito sa aming meeting with Mayor Inday Sara minutes ago at Davao City Hall,” hirit ni Bato.

Nito lamang nakaraang COC filing nang maghain ng reelection bilang Davao City Mayor si Sara.

Makibahagi: Ano ang masasabi mo sa balita na ito?