26

Apr 23, 2018 @ 12:38
By

Palasyo dili apektado sa US State Dep’t report sa EJK

Wala maapektohi ang Malacañang sa gipagawas nga report sa United States Department nga ang extra judicial killings maoy nag-unang human rights concern sa Pilipinas sa tuog 2017.

Matud ni Presidential Spokesman Harry Roque nga dili prayoridad ni US President Donald Trump ang pagpagawad sa report sa US State Department tungod kay siya mismo ang misaludo sa anti-drug war ni Presidente Rodrigo Duterte.

Gawas niini wala magkasinabtanay si Trump ug ang nangulo sa State Department busa iyaha kining gitangtang.

“Hindi naman po kami nababahala diyan dahil alam naman natin ang samahan ng Presidenteng Duterte at Presidenteng Trump, malapit po ang kanilang samahan. Ang pulitika po nila ay hindi naman nagkakalayo ngayon. At sa tingin ko, hindi prayoridad naman ni President Trump iyong sinasabi ng State Department report. So sa amin, nandiyan iyan, hayaan mo iyan. Pero I doubt kung si President Trump talaga ay ipatutupad iyan,”matud Roque.

Matud ni Roque nga ang masmahinungdanon sa Presidente ang gihimong deklarasyon ni US President Trump dinhang mibisita kini sa Pilipinas ug mapasigarbohun kini sa gihimo ni Duterte sa iyang pagpakig batok sa iligal nga drugas.

“Parang taliwas itong State Department report doon sa sinabi ni Trump, at mas tinatanggap ni Presidente Duterte iyong naging salita ni President Trump,” dugang pagpasabot ni Roque.

Base sa gipagawas nga 2017 report sa US State Department, ang extra judicial killings maoy nag-unang concern kalabot sa human rights tungod kay misaka ang giingong kalapasan sa tawhanong katungod dihang gipatuman ang anti-drug campaign niadtong 2016 ug nagpadayun hangtud sa 2017.

Makibahagi: Ano ang masasabi mo sa balita na ito?