4
views
armas
By

Paghatag ug armas sa mga barangay officials, dilikado – Erice, Villarin

Sharing is caring!

Dili kumbinsido ang pipila ka taga-oposisyon sa Kamara nga solusyon sa grabing krimen ang paghatag ug armas sa mga opisyal sa barangay.

Matud ni Caloocan Rep. Edgar Erice nga dilikado ang gustong mahitabo ni Presidente Rodrigo Duterte.

Pagpasabot ni Erice nga ang pagtugot nga kahatagan ug armas ang 40,000 ka barangay kapitan kini nagpasabot sa paghimog private army sa mga politiko sa matag lungsud, siyudad ug lalawigan.

“Arming barangay captains of the 40,000 barangays simply means creating a private army of political kingpins in cities, provinces and municipalities. It’s a wild wild west scenario,”matud ni Erice.

Matud usab ni Akbayan partylist Rep. Tom Villarin nga dakung gubot kini kay siguradong moabuso kini sa ilang gahum ang mga barangay opisyal.

Matud niya nga inay malinawon , sila na unya ang mopasiugda sa kasamok sa ilang dapit.

“Instead of being peaceful mediators, conciliators or arbitrators, you will turn them into armed enforcers or worst armed goons of politicians,” matud ni Villarin.

Gipalutaw ni Presidente Duterte ang posibilidad nga hatagan ug armas ang mga opisyal sa barangay nga gipaluyohan usab kini sa Philippine National Police Chief Oscar Albayalde.

Makibahagi: Ano ang masasabi mo sa balita na ito?