Nadale ng mananayang taga-Novaliches, Quezon City ang jackpot prize na mahigit P49 milyon sa Ultra Lotto 6/58 na binola Biyernes ng gabi.
Ayon sa tala ng Philippine Charity Sweepstakes Office (PCSO), natumpak ng masuwerteng mananaya ang winning combination na 29-12-39-42-34-08 na may jackpot prize na P49,500,000.00.
Samantala, mayroon ding tatlong mapalad na mananaya ang nakakuha ng limang numero at nanalo ng P204,630.00 bawat isa.
Ang Ultra Lotto 6/58 ay binobola tuwing Linggo, Martes at Biyernes.
Makibahagi: Ano ang masasabi mo sa balita na ito?
