9
ukay-ukay-vismin
By

P2 milyong kantidad sa ukay-ukay nasakmit sa BOC

Sharing is caring!

Nasakmit sa Bureau of Customs (BOC) sa Manila International Container Port (MICP) ang usa ka 40-footer container nga adunay sulod nga mga ukay-ukay nga nagkantidad og P2.1 million.

Matud sa BOC Commissioner Isidro Lapeña nga gikan sa Hong Kong ang maong kargamento nga gideklarar nga personal effects ug household goods.

Nadiskubre nga ukay-ukay ang sulod sa maong kargamento dihang gipaubos kini sa sa x-ray scanning.

Tungod niini gipaubos dayun sa mga Customs examiner sa physical examination ang container nga kargamento sa Proline Logistics Phils. Incorporated nga nagbase sa Binondo, Maynila.

Miisyu na si MICP District Collector Atty. Balmyrson Valdez ug alert order batok sa maong kargamento aron dili na kini makagawas sa MICP.

Gipaubos ang shipment sa seizure and forfeiture proceedings tungod sa kalapasan sa Republic Act No. 4653 o An Act to Safeguard the Health of the People and Maintain the Dignity of the Nation.

Sa maong balaod gidili ang pagpalit ug daan nga sinena ug mga trapo.

Matud ni Lapeña, nakalapas usab ang importer sa kargamento sa Customs Modernization and Tariff Act tungod kay misdeclaration ang sulod sa maing shipment.

“We will be filing charges against the importer and broker involved in the illegal importation of prohibited goods. And if warranted, we will suspend their Customs accreditation,” matud ni Lapeña.

Makibahagi: Ano ang masasabi mo sa balita na ito?