11 years in the making!
Sa sunod-sunod na post ni Nash Aguas tila pinagsigawan na nito ang kanyang pagmamahal kay Mika dela Cruz.
Nag-throwback ang young actor ng mga larawan na pagkukuwento rin kung paano nagsimula ang kanilang love story ni Mika.
Nagsimula si Nash sa pinakapaborito niyang photo – kung saan, nagsimula din siya sa kanyang ‘the moves’ kay Mika.
Sabi pa ni Nash, “Ilan lang to sa mga pinagdaanan namin. Pero nagsimula lahat dahil naglakas ako ng loob na umakbay.”
Pinatunayan din ni Nash, kung paano magtaray noon sa kanya si Mika.
Sa huling photo na pinost ni Nash, kunuwento na nito ang tila naging malungkot na side ng kanilang story, nang pumunta siya sa US, habang si Mika naman ay lumipat na ng network.
Pero sa huli, gumawa nga ng tadhana ng paraan para muling magkrus ang kanilang landas at muling maging close sa isa’t isa.
Sabi pa ni Nash, “Sa bandang huli, sya din pala ang bubuo sa akin.”
Sa Abantelliling kinumpirma ni Mika ang kanilang relasyon ni Nash.
Panoorin ang naging tsikahan ni Mika sa Abantelliling:
