68
koko-pimentel-migz-zubiri-vismin
Apr 18, 2018 @ 16:46
By

Narcolist sa barangay level ipakita na sa publiko-Pimentel ug Zubiri

Gusto nilang Senate President Koko Pimentel ug Senador Juan Miguel Zubiri nga ipagawas na ang listahan sa mga opisyal sa barangay nga giingong nalambigit sa pagpadagan sa iligal nga drugas.

Ang narcolist giingong gihuptan karon ni Presidente Duterte.

Matud ni Pimentel, nga mahikong patas alang sa tanan kung ibutyag sa publiko ang narcolist aron kahatagan kinig kahigayunan nga limpiyohan ang ilang pangalan.

“The list should be released so that those on the list will have the chance to “clear” their names if they are interested in doing that. It s actually “fairer” to all concerned that the list be once and for all known rather than kept a secret and then used by “enterprising” people for some extortion activities,” matud ni Pimentel.

Matud ni Zubiri, nga kinahanhlan nga ibutyag sa publiko ang maong listahan aron mahimo kining giya sa mga botante sa umaabot nga baranggay ug Sangguniang Kabataan (SK) elections.

Apan matud ni Zubiri, atrasado na ang pagbutyag sa publiko sa narcolist tungod kay kaniadto pang miaging tuog nga gisaad sa DILG nga ibutyag ang mga baranggay officials nga nailhan nga nalambigit o mitugot sa pagpamaligya ug gidiling drugas sulod sa ilang hurisdiksyon.

Supak usab niini abg ubang senador sama ni Senador Gregorio Honasan nga mipahimangnu nga mahimo lang ang narcolist nga trial by publicity nga inay due process.

Sa Mayo 14 ang baranggay ug SK elections.

Makibahagi: Ano ang masasabi mo sa balita na ito?