6
water
By

MWSS: Kakulangan ng tubig sa Pinas, ‘di matutulad sa Africa

Sharing is caring!

Tiniyak ni Metropolitan Waterworks and Sewerage System (MWSS) Administrator Reynaldo Velasco na hindi aabutin ng Pilipinas ang nangyari sa bansang Africa na may kakulangan ng supply ng tubig.

Sa ginanap na forum sa Kapihan sa Manila Bay, sinabi ni Velasco na mayroong sapat na tubig ang bansa pero inamin nito na kailangan ang treatment plan dahil problema ng bansa ang pagkakaroon ng malinis na tubig.

Paliwanag ni Velasco, ang Chinese contractor ang nanalo sa bidding para sa water treatment kung saan P10 bilyon ang pondo na ilalaan ng China at ang natitira ay babalikatin naman ng Manila Water at Maynilad.

Aminado ang opisyal na mayroon pagkaantala ang kanilang proyekto dahil sa bidding, pero ipinaubaya na nila sa mga kontraktor kung ano ang kanilang gagawin at bahala na ang MWSS dahil tinututukan naman ng Office of the President ang naturang proyekto.

Pinayuhan naman ni Manila Water Chief Operating Officer Ding Carpio ang mga consumer na gamitin ang tubig nang tama at huwag mag-aksaya ng tubig.

Dagdag pa ni Carpio, dahil sa global warming ay dapat na talagang maghanap ng ibang sources o pagkukunan ng tubig maliban sa ulan.

Giit naman ni Manila Water Chief Operating Officer Randy Estrallado, may problema tungkol sa nakawan ng tubig kaya ginagawa na nila ng kaukulang hakbang kung papaano ito matutugunan.

Makibahagi: Ano ang masasabi mo sa balita na ito?