49

Apr 9, 2018 @ 1:28
By

MILF commander gibilanggo kay nanghulga ug silingan

Wala na maka agwanta ang pipila ka silingan sa pagpa-harrass nga gihimo sa ilang silingan nga usa ka commander sa Moro Islamic Liberation Front (MILF) tungod kay hapit matag adlaw na kining hadlokon ang mga molopyu sa Barangay Tapian, Datu Odin Sinsuat, Maguindanao.

Gisikop didto sa iyang panimalay si Tato Ibrahim, kilala bilang Commander Tato sa Task Force Ittihad sa MILF, hingkod na ang pangidaron ug molopyu sa maong barangay.

Nasayran gikan ni Supt. James Allan sa Criminal Investigation and Detection Group – Autonomous Region in Muslim Mindanao (CIDG-ARMM), nga mireklamo na ang mga silingan niini tungod sa pagpangabuso ug kanunay nga magpabuto sa iyang armas ang suspek.

Daling giadto sa kapolisan ang panimalay ni Ibrahim ug nasakmit ang usa ka kalibre 45 nga armas.

Kasamtangan nga gitanggong ang suspek ug mag- atubang sa kasong kalapasan sa Republic Act 10591 o Illegal Possession of Firearms and Ammunition.

Makibahagi: Ano ang masasabi mo sa balita na ito?