head-lights
By

Mga motorsiklo obligahon nga i-on ang ilang headlight

Sharing is caring!

Giaprobahan na sa House Committee on Transportation ang gisugyot nga balaodnon nga nagtinguha nga i-obligar ang mga driver ug operator sa motorsiklo nga i-on ang suga sa panahun nga paandaron ang motorsiklo ug sa tibuok biyahe.

Ang House Bill 1318 o ang “Mandatory Automatic Headlights On for Motorcycles Act” gipangamahanan ni Buhay partylist Rep. Mariano Michael Velarde Jr.

Tumong sa maong bala-odnon nga moubos insidente sa mga bangga nga naglambigit sa mga motorsiklo.

Ubos sa maong balaod gi require ang mga motorcycle manufacturers, assemblers, ug distributors nga aduna gayuy Automatic Headlights On System, mechanism o device, nga ibutang sa mga motorsiklo sa dili pa kini ibaligya.

Kinahanglan usab nga adunay usa hangtud sa duha ka headlights ang motorsiklo.

Walay motorsiklo nga tugutang marehistro nga walay Automatic Headlights On System, mechanism o device.

Pamultahon ug P1,000 hangtud sa P2,000 ang driver sa una nga kalapasan; P2,500 hangtud sa P3,000 alang sa ikaduhang kalapasan ; ug P3,500 hangtud sa P5,000 ug suspensohun ang lisensya sulod sa usa ka buwan alang sa ikatulo ug mga mosunod pa nga kalapasan.

Makibahagi: Ano ang masasabi mo sa balita na ito?