23

Oct 13, 2021 @ 22:03
By

Metro Manila grumadweyt sa Alert Level 4

Ibinaba na ng Inter-Agency Task Force (IATF) sa Alert Level 3 ang Metro Manila epektibo sa Oktubre 16 hanggang Oktubre 31.

Ito ang inanunsiyo ni Presidential Spokesman Harry Roque matapos ang pulong ng IATF nitong Miyerkules.

Batay sa inilabas na desisyon, wala nang lugar sa bansa na inilagay sa enhanced community quarantine (ECQ) na siyang pinakamahigpit sa lahat ng quarantine status.

Inilagay naman ng IATF sa modified enhanced community quarantine (MECQ) status ang mga sumusunod na lugar: Apayao, Kalinga, Batanes, Bulacan, Bataan, Cavite, Rizal, Laguna at Naga City sa Luzon; Zamboanga City at Zamboanga del Norte sa Mindanao.

Nasa general community quarantine (GCQ) with heightened restrictions naman ang Abra, Baguio City, Ilocos Sur, Pangasinan, Cagayan, Isabela, City of Santiago, Nueva Vizcaya, Quirino, Quezon, at Batangas (Luzon); Bacolod City, Capiz, Lapu-Lapu City, Negros Oriental at Bohol (Visayas); Zamboanga del Sur, Misamis Oriental, Cagayan de Oro City, Davao del Norte, Davao Occidental, Davao de Oro, Butuan City at Surigao del Sur (Mindanao).

Kasama rin sa mga inaprubahan sa ilalim ng GCQ ang Ilocos Norte, Dagupan City, Ifugao, Benguet, Tarlac, Lucena City, Occidental Mindoro, Oriental Mindoro, Puerto Princesa, Marinduque, Albay, at Camarines; Aklan, Antique, Guimaras, Negros Occidental, Iloilo City, Iloilo Province, Cebu City, Cebu Province, Mandaue City, Siquijor, Tacloban; Zamboanga Sibugay, Misamis Occidental, Iligan City, Davao City, Davao Oriental, Davao del Sur, General Santos City, Sultan Kudarat, Sarangani, North Cotabato, South Cotabato, Agusan del Norte, Agusan del Sur, Surigao del Norte, Dinagat Islands, Cotabato City at Lanao del Sur.

Lahat ng mga hindi nabanggit na lugar ay ilalagay sa Modified General Community Quarantine (MGCQ) at magiging epektibo sa October 16 hanggang October 31, 2021.

Makibahagi: Ano ang masasabi mo sa balita na ito?