11
salvador-medialdea1
By

Medialdea maoy gitudlo nga OIC samtang wala si Duterte

Gitudlo isip officer-in-charge (OIC) sa kagamhanan si Executive Secretary Salvador Medialdea samtang atua sa gawas sa nasud si Presidente Rodrigo Duterte.

Subay sa Special Order No. 371 nga giisyu sa Presidente, mahimong OIC si Medialdea gikan sa Abril 26 hangtud sa Abril 28 ug atimanon niini ang inadlaw adlaw nga operasyon sa Office of the President.

Si Duterte mitambong sa 32nd Association of Southeast Asian Nations (ASEAN) Summit nga gihimo sa Singapore

Si Medialdea ang kasamtangang nagpadagan sa kagamhanan aron dili maapekyohan ang paghatag sa mga serbisyo publiko ilabi na sa Executive Department.

Gimanduan usab sa Presidente ang tanang departamento ug mga ahensiya aron moabag sa Executive Secretary.

Naandan na nga himoung kagawian OIC si Medialdea kun adunay biyahe si Presidente Duterte sa gawas sa nasud.

Makibahagi: Ano ang masasabi mo sa balita na ito?