Memorable para kay Mariel Padilla ang pa-dinner sa Malacañang dahil ito umano ang unang beses na naimbitahan siya ng Presidente sa Palasyo.
Sa kaniyang Instagram post ikinuwento ni Mariel ang mga nangyari sa naturang dinner kung saan lalo niyang hinangaan si Pangulong Duterte.
“The room was filled with celebrities who supported him both silently and openly. When the President arrived he sat down and immediately said, ‘magtatlong taon na akong presidente ngayon lang ako makapagpasalamat sa inyo’,” panimula ni Mariel.
Aniya, lumuwas pa mula Davao si Madam Honeylet para makasama sa thanksgiving dinner.
Espesyal na menu umano ang inihanda para sa kanila ng Pangulo.
Pinakana-touch umano si Mariel at lalong humanga sa Pangulo nang sabihan ang kitchen staff na maghanda ng isda para kay Robin at sa kaniya.
Nang ihain na ang isda ay gusto rin umano nina Freddie Aguilar at misis na si Jovie ng isda dahil Muslim din ang mga ito.
Dahil sa pagiging gentleman ibinigay ni Robin ang ulam niya kay Jovie.
“Sige kumain na kayo hintayin ko si Robin,” sabi umano ng Pangulo.
“He really waited for Robin’s food to arrive. I know maliit na bagay but di ba it’s the little things that matter. Super nakakatuwa at nakaka touched talaga. Yung loyalty ni Robin kay President ay hindi sayang because it is reciprocated with kindness,” kuwento pa ni Mariel.