753

Oct 25, 2017 @ 17:39

Maiingay na grupo sa EU kulang sa “iyot” – Andanar

Binanatan ni Presidential Communications Operations Office (PCOO) secretary Martin Andanar ang  mga grupo sa  Europa na kritikal sa Duterte administration at  tinawag  pang mga  maiingay  na kulang sa “iyot’.

Sa  kanyang “meet and  greet” sa  isang  grupo  ng  mga  Pilipino sa  Brighton, United  Kingdom,  binuweltahan ni Andanar  ang  mga grupong  kontra  sa  pangangasiwa  ni Pangulong  Rodrigo Duterte na  aniya  ay  puro lang  ingay.

Taliwas  aniya  ito sa  ipinapakitang  suporta  ng  kanilang mga  Prime Minister at mga  Presidente  kay Pangulong Duterte.

Sinabi ni  Andanar  na ang  mga   nasa  ibaba  lang  aniya  ang  maingay  dahil kulang  pa sila sa  iyot.

“Yung  mga  maingay  na  mga  palaiyot,  yung  mga maingay, alam mo ang  problema sa kanila  hanggang  ingay lang, wala  namang  napatunayan. Kung tatanungin mo yung  kanilang mga  Prime Minister, mga  Presidente, yung  mga  talagang  namamahala  sa  kanilang  mga  bansa, pati sila sumusuporta  kay President  Duterte. Yung  mga  nasa  baba  na  mga  palaiyot sila  lang  ang  maingay  kasi  kulang  pa sa  iyot,” ang  banat  ni Andanar .

Umani naman  ng  hiyawan sa  mga  Duterte  suppporters  ang  salita  ni Andanar  na  tila  natuwa  pa  ang  mga  ito.

Ang  “iyot” ay salitang  Bisaya  na ang  ibig sabihin ay  “sex’ .

Kasabay nito, kumambiyo si Andanar  at  pinayuhan  ang  kanyang mga  batang   audience  na  huwag  na  lang  pansinin ang  kanyang  binitiwang salita.

 “Kung  merong  mga  bata  rito  huwag  nyo na  lang  i-interpret yon,” ang  pahayag  ni Andanar.

Ang  PCOO  secretary ay  dumalo sa  dalawang  araw  na  conference sa  UK  kasama  si PCOO Assistant  Secretary Kris Ablan. (Aileen Taliping)

Makibahagi: Ano ang masasabi mo sa balita na ito?