1,057

By

Lengguwaheng Pinoy bumida sa Hollywood movie na ‘Mile 22’

Sharing is caring!

Ang Mile 22 ay isang produkto ng imahinasyon, pero kumunsulta pa rin ang direktor nitong si Peter Berg sa mga taong may karanasan ng sitwasyong ito sa tunay na buhay tulad ng Navy SEALs, Army Rangers, CIA officers at computer experts para alalayan ang mga actor at writer ng pelikula na gawing makatotohanan ang mga eksena.

Bida rito si Mark Wahlberg, kasama sina Ronda Rousey, at Indonesian actor at martial arts master na si Iko Uwais, na gumanap bilang isang ‘foreign intelligence asset’ na si Li Noor. Bale ito ang unang lead role niya sa Hollywood.

Ayon kay Peter Berg, si Iko ang malaking rason kung bakit niya gustong gawin ang ‘Mile 22’. Matapos mapanood ng director si Iko sa The Raid, nagplano agad itong gawan ito ng pelikula para maipakita ang galing ng tinguriang ‘the next Bruce Lee’ sa mas maraming manonood sa iba’t ibang bansa.

Mukhang Pinoy si Iko, at bibilib ka talaga sa husay niya sa martial arts. Actually, maraming mukhang Pinoy sa Mile 22, at iisipin mo nga na baka nag-shooting sila sa Pilipinas.

Napanood ko na ang pelikula, at sa simula, lalo na sa mga eksenang naghahabulan na, nagbabarilan ang mga bida, at kontrabida sa isang building, may mga naririnig akong Tagalog na linya.

Sa simula, inisip kong baka salita ng Indonesia, o Malaysia kaya, dahil sa ibang mga pagkakataon ay may mga pagkakahawig nga ang mga salita nating mga Filipino sa lengguwahe nila.

Pero, lumakas ang kutob ko na nagamit nga ang salita natin dahil sa mga salitang ‘pasok na, pasok na,’ at ‘ayan na, ayan na parating na’ at may iba pa ng malulutong na mura, o words to that effect, ha!

Nagtawanan nga ang mga tao sa loob ng sinehan sa mga narinig na linyahan na Pinoy na Pinoy.

Well, ang duda tuloy ng marami, may production staff na Pinoy na nagtrabaho sa Mile 22.

Anyway, sa kuwento nga isang grupo na mula sa pwersang militar ng Estados Unidos na tinatawag na ‘Ground Branch’ ang binigyan ng misyon na dalhin ang isang “foreign intelligence asset” na si Li Noor mula sa American Embassy sa Southeast Asia patungo sa isang paliparan na may 22 milya ang layo para maitakas ito papuntang Amerika. Kailangan magawa nila ito sa loob ng 38 minuto.

Makibahagi: Ano ang masasabi mo sa balita na ito?