vape
By

Lalaki nga taga-Florida, patay dihang mibuto ang PH-made nga vape pen

Sharing is caring!

Patay ang 38-anyos nga lalaki nga residente sa St. Petersburg, Florida human mibuto ang gigamit niyang vape pen.

Tungod sa impact sa pagbuto nasulod sa iyang ulo ang duha ka bahin sa nabungkag nga vape pen.

NAhitabo ang insidente niadtng Mayo 5 sa panimalay sa biktima nga si Tallmadge D’Elia’s, matud sa Tampa Bay Times.

Nasunog usab ang iyang kuwarto tungod sa pagbuto sa vape pen.

Giingong hinimo ang vape pen sa Smok-E Mountain Mactan, matud sa report.

Sa Facebook sa maong manufacturer, ang vape shop anaa nahimotang sa Lapu-Lapu City, Cebu.

Gawas sa naangkon niini nga kadaut sa ulo ni D’Elia’s, 80 porsiyento usab sa iyang lawas ang nasunog matud sa St. Petersburg Fire Rescue firefighters.

Matud sa Food and Drug Administration, dili pa klaro kun unsay hinungdan sa pagbuto sa mga vape pen apan nagtuo sila nga tungod kini sa battery-related issues.

Makibahagi: Ano ang masasabi mo sa balita na ito?