leni-robredo-1
By

Lain na usab nga ‘fake news’, gipalagan ni VP Leni

Sharing is caring!

“This is fake news.”

Mao kini ang reaksyon ni Vice President Leni Robredo kabahin sa migawas nga report sa usa ka national broadsheet nga nakuhaan ug 21,000 nga labaw niya boto kang kanhi Senator Bong Bong Marcos.

Sa iyang personal Twitter account gipaagi ni Robredo ang iyang tubag, “ This is propaganda meant to condition the minds of the public.”

Dugang pa niya nga niadtong duha ka semana ang nilabay may taho nga nakuhaan og 5,000 ka boto si Robredo sa gipahigayung manual recount sa 2016 vice-presidential election.

“Both are fake. If you really won the elections, why the need for fake news?” ang tweet ni Robredo.

Sa taho sa mantalaan, usa ka ‘insider’ ang miingon nga ang deperensya sa boto nilang Robredo ug Marcos kay 242,000 gikan sa 263,473.

Giingong nga ang pagkuha sa gidaghanon sa boto ni Robredo tungod kay gipatuman ang 50-percent threshold ruling sa Presidential Electoral Tribunal (PET) kabahin sa ‘shading’ sa balota.

Sayo niini mipahimangnu ang PET sa duha ka kampo kabahin sa gipahigayung recount.

Katapusang mihatag ug update ang PET kabahin sa recount niadtong Abril 2.

Makibahagi: Ano ang masasabi mo sa balita na ito?