82

May 7, 2021 @ 18:01
By

Laboratoryo pinayagang gumawa, magbenta ng Ivermectin

Ikinatuwa ni Deputy Speaker Bernadette Herrera ang pagbibigay ng Food and Drug Administration (FDA) ng Certificate of Product Registration (CPR) sa paggawa at pagbebenta ng human-grade Ivermectin.

Ayon kay Herrera ang CPR na ibinigay sa local pharmaceutical company na Lloyd Laboratories, Inc., ay nangangahulugan na makagagawa at makapagbebenta na ito ng Ivermectin sa mga taong reresetahan nito.

Ang Lloyd Laboratories ay maaaring gumawa ng 3mg, 6mg, 9mg, 12mg at 15mg doses ng Ivermectin.

“It is common knowledge that the unmonitored distribution and use of Ivermectin created an entire gray-market, which subsequently led to questionable and dangerous products. With a reputable company now holding an official CPR, the public is now assured of the quality and legality of their doctor-prescribed Ivermectin dosages,” sabi ni Herrera.

Ang Ivermectin ay orihinal na ginawa para sa hayop subalit mayroong mga pagkakataon na gumawa ng human-grade version nito at ipina-inom sa maraming tao upang matugunan ang kanilang problema sa kalusugan.

Mayroon mga doktor at mga pag-aaral na nagsasabi na nakatulong ito sa paggaling ng pasyenteng mayroong COVID-19 bagamat hindi pa ito lubusang napapatunayan.

“As of now, we already have a number of foreign clinical trials that can be used as a basis. Now that the FDA has allowed a local pharmaceutical company to make Ivermectin available in the market, however, the proper documentation, observation, and follow-ups can already be used for statistical inference,” dagdag pa ng lady solon.

Magsasagawa ang Department of Science and Technology (DOST) ng clinical trial sa Ivermectin sa susunod na buwan upang malaman kung ito ay mabisa laban sa COVID-19.

Makibahagi: Ano ang masasabi mo sa balita na ito?