Kris Aquino wagi sa PMPC Star Awards for Television
Ang mga anak na sina Josh at Bimby ang tumanggap ng parangal na Ading Fernando Lifetime Achievement Award ng maysakit na aktres na si Kris Aquino sa katatapos lang na 33nd PMPC Star Awards For TV, kagabi, Oktubre 13, 2019.
Sa Henry Lee Irwin Theater, Ateneo de Manila University, Quezon City ginanap ang nasabing seremonya.
Sa video na pinaskil ni Kris sa Twitter, maririnig ang pagbasa ni Bimby ng speech ng kanyang mommy, habang hawak ni Josh ang tropeo.
“She wanted me to tell you that “John En Marsha,” which was one of Mr. Fernando’s masterpieces was something very special for her and my lolo (Ninoy Aquino). The few Christmas nights they were all allowed to stay with him in Fort Bonifacio was in her memory, so much like a real life John and Marsha. That was the magic of TV–that my lolo’s prison cell could be transformed for my mom into her favorite sitcom,” basa ni Josh sa pahayag ni Kris.
“TV was very good to my mom and our family,” dagdag niya.
Una nang sinabi ni Kris sa Instagram na hindi ito makadadalo dahil kailangan niyang pumunta ng Singapore para sa health check-up sa hindi pinaalam na “personal struggles”.