koko-vi
By

Koko hulipan na ni Sotto isip Senate President – Lacson

Sharing is caring!

Mangulo na karong tuiga sa Senado si Senate majority leader Tito Sotto, siya ang mohulip ni Senate President Aquilino “Koko” Pimentel III.

Matud ni Senador Panfilo “Ping” Lacson, sa usa interview miingon nga aduna nay kasabutan silang Sotto ug Pimentel kabahin niini.

Siguradong dili moatras si Pimentel sa maong kasabutan.

Sa impormasyon nga nakuha ni Lacson, mosaka si Sotto sa senate presidency sa Hulyo sa pagbalik nila gikan sa sine die adjournment o sa Oktubre.

“I understand that there’s already an agreement or understanding between Senator Sotto and Senator Pimentel pero kung kelan ie-execute o ii-implement we don’t know,” matud ni Lacson.

Mahimo usab sa Oktubre tungod kay sa maong bulan moduso si Pimentel iyang kandidatura alang sa iyang reeleksyon.

Wala pa hinoun maklaro ni Lacson kung maapektuhan ang ubang posisyon sa Senado kung mohulip na si Sotto isip senate president.

Kung adunay kausaban sa lidrato ug komposisyon sa mayorya ug minorya, mahimong ilisan ang Senate president pro tempore, ang majority leader ug ang chairman sa mga standing committee.

Makibahagi: Ano ang masasabi mo sa balita na ito?