3
gun-ban1
By

Kanhi security guard, unang nadakpan Comelec gun ban

Sharing is caring!

Nadakpan ang usa ka lalaki human nakalapas gipatuman nga gun ban sa Commission on Elections (Comelec) didto sa Cadiz City, Negros Occidental kaganihang kadlawon.

Atol sa unang adlaw sa pagpatuman sa gun ban mao usab ang pag sang-at sa certificate of candidacy (COC) sa mga mokandidato sa barangay ug Sangguniang Kabataan (SK) elections.

Sa report sa Philippine National Police (PNP), giila ang nasikop nga si Jonathan Sison, molopyo sa Brgy. Cabahug, Cadiz.

Nadakpan kini sa sulod sa usa ka KTV bar sa Lopez Jeana Street, Brgy. Zone 4 sa maong siyudad samtang mipahigayun ang kapolisan og Oplan Bakal Sita.

Subay sa inisyal nga taho nga nabantayan ang suspek nga kanhi security guard nga nag-inum sa sulod sa bar samatng nag sul-ob kini sa athletic uniform sa polis.

Nakuha gikan sa suspek ang usa ka Smith and Wesson revolver magnum .357 nga walay serial number ug adunay lima ka live ammos ug cylinder niini.

Kasong kalapasan sa Comprehensive Law on Firearms and Ammunition in relation to Comelec gun ban ug ilegal nga pagsul-ob sa police ug military uniform ang atubangon ni Sison.

Gitanggong kini karon sa detention cell sa Cadiz City Police Station.

Makibahagi: Ano ang masasabi mo sa balita na ito?