63
shabu1
Jun 19, 2018 @ 19:46
By

Kanhi sakop sa MILF ug laing usa nadakpan sa P1M nga shabu

Nadakpan ang kanhi sakop sa Moro Islamic Liberation Front (MILF) ug kauban niini human masakmit ang kapin P.1 milyon nga kantidad sa shabu sa gipahigayung buy- bust operation sa mga operatiba sa Quezon City Police District (QCPD).

Giila ang duha ka suspek ni QCPD Director P/Chief Supt. Joselito T. Esquivel Jr nga silang Ebrahim Usman y Datukan, alyas EBS,37 – anyos, kanhi miyembro sa MILF ug kauban nga si Kable Mamap y Kemda alyas Castro, 28 –anyos; sila taga Cotabato City ug nagpuyo sa Luzon Ave., Brgy. Old Balara, QC.

Base sa report ni P/Supt. Joel A. Villanueva nga gipahigayun ang ang buy – bust operation batok sa duha ka suspek mga alas – 5:15 sa hapon sa mga operatiba sa Station Drug Enforcement Unit (SDEU) sa Batasan Police nga gipangulohan ni P/Chief Insp. Sandie Caparroso sa Puregold Grocery store, sa Commonwealth Ave., Brgy. Old Balara.

Nasakmit sa mga otoridad sa duha ka suspek ang 25 gramo ng shabu nga nagkantidad ug P125,000, P49,000 marked money, P1,000 cash money ug lima ka plastic sachet sa gituhoang shabu.

Nasayran sa imbestigasyon sa QCPD, nga si alyas EBS kanhi sakop sa MILF ug wanted sa Cotabato ug adunay standing warrant of arrest sa Autonomous Region in Muslim Mindanao (ARMM) sa kasong illegal possession of firearms ug uban pang kaso.

Ang duha nga nasikop sa pagpayuhot sa gidiling drugas gitanggong na karon sa detention cell ng Batasan Police Station 6 human pasakai ug kaso sa QC Prosecutors Office tungod sa kalapasan sa R.A 9165 o Comprehensive Dangerous Drug Act of 2002.

Makibahagi: Ano ang masasabi mo sa balita na ito?