Ilang oras matapos kunin si LeBron James, nilambat naman ng Los Angeles Lakers si Lance Stephenson para sa one-year, $4.5 million deal noong Linggo ng gabi.
Naglaro si Stephenson ng 82 games para sa Pacers noong nakaraang season. Nakilala siya bilang hepe ng Indiana na taga-asar kay LeBron.
Hindi pa nakuntento ang Lakers, biningwit din umano nito si JaVale McGee.
Mula sa Warriors ang two-time NBA champion na binigyan ng one-year deal para sa veteran minimum.
Nakipag-deal umano si McGee ilang oras matapos magdesisyon si James na lumipat ng Los Angeles, ayon kay Chris Haynes ng ESPN. ()
Makibahagi: Ano ang masasabi mo sa balita na ito?
