Patay dahil sa COVID-19 ang isang hukom sa Malolos, Bulacan.
Samantala, nagpositibo naman sa coronavirus ang 5 kawani ng parehong korte.
Napaulat na ayon sa City of Malolos Health office ngayong Lunes, pumanaw si Judge Mario Capellan ng City of Malolos Trial Court Branch 1 noong Setyembre 17.
Ang dahilan umano ng pagkamatay ay mga impeksiyon sekundaryo sa diabetes.
Nakatira ang 64-anyos na hukom sa Quezon City at nagsimulang mahirapan sa paghinga noong Setyembre 2. Kalaunan ay na-confine siya sa isang ospital sa Metro Manila.
Samantala, ang mga COVID-19-positive na kawani ng parehong court branch ay natapos na ang kanilang quarantine at naghihintay na lang ng clearance para makabalik sa trabaho.
Makibahagi: Ano ang masasabi mo sa balita na ito?
