25

By

Himig Handog 2018 finalists ipinakilala na

Sharing is caring!

Napili na ang sampung awitin mula sa mahigit 5,000 entry na nagmula sa mga Pinoy sa iba’t ibang rehiyon sa Pilipinas pati na rin sa ibang bansa bilang Himig Handog 2018 finalists na maglalaban-laban para itanghal na Best Song sa pinakamalaking songwriting competition locally.

Kakantahin ang mga orihinal na komposisyon na ito ng ilan sa mga magagaling na musical performers sa tradisyon ng Himig Handog, na ngayon ay may temang ‘Love Songs and Love Stories’.

Ang ‘Your Face Sounds Familiar Kids’ season 2 contestants na sina Krystal Brimner at Sheena Belarmino, kasama ang female idol group na MNL 48, ang aawit ng ‘Dalawang Pag-ibig Niya’ na isinulat ni Bernard Reforsado ng Albay. Ang TNT singer naman na si Eumee ang kakanta ng ‘Hati Na Lang Tayo Sa Kanya’ ni Joseph Santiago ng Quezon City.

Nagbabalik naman ang R&B royalty na si Kyla sa ika-apat na pagkakataon bilang Himig Handog interpreter at sasamahan siya ng rapper na si Kritiko para sa awiting ‘Kababata’ ni John Michael Edixon ng Parañaque City. Ang ‘Mas Mabuti Pa’ mula sa komposisyon nina Mhonver Lopez at Joanna Concepcion ng Laguna ay bibigyang-buhay ng ‘Tawag Ng Tanghalan’ grand champion na si Janine Berdin.

Kakantahin naman ng BoybandPH ang ‘Para Sa Tabi’ na isinulat ni Robert William Pereña mula pa sa Dubai sa Middle East.

Samantala, pangungunahan ng ‘Araw Gabi’ lead actor na si JM de Guzman ang awitin ng Davao pride na si Kyle Raphael Borbon na may titulong ‘Sa Mga Bituin Na Lang Ibubulong’. Ang Star Pop artist na si Maris Racal ang magpeperform ng ‘Sugarol’ na isinulat naman ni Jan Sabili ng Muntinlupa City.

Nagbabalik rin si Jona para sa ikatlong taong sunod-sunod na pagsali bilang Himig Handog interpreter, ngayon para sa awiting ‘Tinatapos Ko Na,’ isang komposisyon ni Sarah Jane Gandia ng USA. Ang OPM band na Agsunta ang magbibigay interpretasyon sa ‘Wakasan’ ni Philip Arvin Jarilla ng Antipolo, habang si Sam Mangubat naman ang aawit ng ‘Wala Kang Alam’ na binuo nina Martin John Arellano ng Manila at Mel Magno ng Pampanga.

Ang mananalo ay ihahayag sa Nobyembre 25. Tatanggap ng P1 million ang grand prize winner, habang P500,000 naman ang makukuha ng sumulat ng 2nd Best Song. Ang mga composer na tatanghaling 3rd place ay tatanggap ng P200,000, ang 4th place ng halagang P150,000 at ang 5th place ng halagang P100,000.

Nasa ika-siyam na taon na ang Himig Handog na hatid ng ABS-CBN at Star Music. Nagsimula ito noong 2000 hanggang 2003 at ibinalik muli pagkatapos ng isang dekada. Patuloy ito sa pagdidiskubre ng local talents at pagsuporta sa OPM sa pagkakalap nito ng mga bagong awiting may tatak Pinoy.

Para sa karagdagang detalye, i-like ang @HimigHandog2018 sa Facebook. Bisitahin din ang starmusic.ph, i-like ang Star Music sa facebook.com/starmusicph, at sundan ito sa Twitter at Instagram @StarMusicPH.

Makibahagi: Ano ang masasabi mo sa balita na ito?