44

Jul 12, 2021 @ 9:48
By

Hadjizy bibida sa Blacklist International

Determinado ang Blacklist International na idepensa ang kanilang titulo sa MPL Philippines Season 8.

‘Yan ay matapos nilang kumpirmahin na nakuha nila ang dating jungler ng Omega Esports na si Salic ‘Hadjizy’ Imam.

“Now it’s time to debunk rumors. He’s not our delivery boy, he’s not a moving resin. Pumunta siya rito sa Blacklist International para maki-UBE (sa Boracay). Now let’s make it official. Blacklist Agents, let’s all welcome HAD JI (Hadjizy) as part of the Blacklist MLBB roster!” ayon sa post ng Blacklist International.

Malakas na ang ugong na sa Blacklist lilipat si Hadjizy matapos itong makitang kasama sa pagpunta ng squad sa Boracay para magbakasyon.

Kilala si Hadjizy bilang ‘KDA machine’, dating star jungler ng Omega na eksperto sa paggamit ng mga assassin hero.

Wala namang nabawas sa orihinal na lineup ng Blacklist International, papangunahan pa rin ng tandem nina Jonmar ‘OhMyV33nus’ Villaluna at Danerie James ‘Wise’ Del Rosario, kasama pa sina Edward ‘EDWARD’ Dapadap, Kiel ‘OHEB’ Soriano at Jayson ‘ESON’ Gerardo.

Makibahagi: Ano ang masasabi mo sa balita na ito?