6
donald
By

Foundation ni Trump, gipasira sa NY attorney general

Sharing is caring!

Gipasirad-an sa attorney general sa New York ang foundation ni US President Donald Trump.

Subay kini sa pagsang-at og kaso sa New York attorney general batok ni Trump ug tulo niya ka anak tungod sa giingong iligal nga kalihukan lakip ang pagsuporta sa kaugalingong niini nga kampanya niadtong 2016.

Gipangayo usab sa attorney general Barbara Underwood sa usa ka New York state judge nga did-an si Trump lakip ang mga anak niini nga silang Donald Jr., Erick ug Ivanka nga mihupot sa bisan unsang charity organization sa New York.

Matud ni Underwood nga base sa ilang 21 buwan nga imbestigasyon ilang nasuta nga daghan ug kalihukan ang foundation ni Trump nga iligal ug pabor sa kaugalingong niini nga interes ug mga negosyo niini.

Mipagawas na ug pamahayag kabahin niini ang Trump Foundation diin giklaro niini nga pamolitika lang ang gihimo sa New York attorney general.

Makibahagi: Ano ang masasabi mo sa balita na ito?