37

Mar 15, 2021 @ 16:58
By

Eleksyon 2022 hindi lang dapat hulaan kung sino tatakbo – Comelec

Para kay Commission on Elections (Comelec) spokesperson James Jimenez, nararapat na ring pag-usapan ang halalan sa susunod na taon kahit mayroon pang coronavirus pandemic.

Pero aniya, ang dapat na pinag-uusapan ay kung ano-anong mga isyu ang nararapat pagtuunan ng pansin ng mga botante at hindi lamang ang hulaan kung sino-sino ang mga kandidatong tatakbo.

“Dapat pag-usapan na ang #VotePilipinas2022 – pero hindi para lang hulaan kung sino ang tatakbo o kung sino ang magkakampihan. Dapat ang pinaguusapan ngayon ay kung anu-anong mga isyu ang dapat pagtuonan ng pansin ng mga botante,” reaksyon ni Jimenez nitong Lunes sa pa-survey ng DZBB kung dapat na ba o huwag munang pag-usapan ang eleksyon 2022?

Sa Mayo 9, 2022 ang darating na eleksyon sa Pilipinas kung saan kabilang sa pagbobotohan ang papalit kina Pangulong Rodrigo Duterte at Vice President Leni Robredo.

Makibahagi: Ano ang masasabi mo sa balita na ito?