1,937

By

Duterte sa pagkontra ni Poe sa emergency powers: Itong mayaman na walang utak

Binira ni Pangulong Rodrigo Duterte si Senadora Grace Poe kaugnay sa muling umiinit na isyu sa matinding problema ng trapik sa EDSA.

Sa kanyang talumpati sa oath-taking ng mga bagong opisyal ng gobyerno, hindi napigilan ng Pangulo na ibulalas ang pagkainis dahil sa pagdududa ni Poe na baka makurakot ang pondo kapag naibigay ang hinihinging emergency powers para lutasin ang problema sa EDSA.

Sinabi ng Pangulo na hindi siya interesado sa emergency powers at hahayaan niyang mabulok ang EDSA.

Kapag aniya tinanggap niya ang emergency powers at hindi naayos ang problema sa EDSA ay baka siya pa ang sisihin ng mga Pilipino kapag wala na ito sa puwesto.

“They are at it again. And I’m telling them I’m not interested. Why? Because if you give the money at hindi natapos hanggang sa pagtatapos ng termino ay tiyak na babatikusin lang ako. Yung EDSA it’s really rotting. So hindi galing sa akin ‘yan. Galing ‘yan sa nga technocrat,” anang Pangulo.

Sinabi ng Presidente na isang araw ay maghaharap sila ni Poe at sasabihin nito ang mga gustong sabihin dahil sa pagdududa sa kanya.

Ito aniya ang problema sa mga mayayaman na walang utak dahil ang tingin sa ibang tao ay mga tiwali.

“But one of these days ibubuga ko talaga sa mukha niya, gusto ko ‘yung harap-harapan kami. Maybe you think that you are the only person in this planet who has integrity and honesty. That’s a problem with some… itong mga mayaman na walang utak,” dagdag pa ng Pangulo.

Makibahagi: Ano ang masasabi mo sa balita na ito?