360
Batas na makatutulong sa mga mahihirap, nilagdaan na ni Duterte
By

Duterte aapurahin ang pagtatatag ng Department of OFW

Nais ni Pangulong Rodrigo Duterte na maitatag sa loob ng anim na buwan ang Department of Overseas Filipino Workers (OFWs) upang mapagtuunan umano ng pansin ang mga problema ng mga OFW kaugnay sa mga illegal recruiter at iba pang labor malpractices.

Ang panukalang departamento ay magbabawal sa recruitment ng mga OFW sa ibang bansa imbes ay magkakaroon ng Philippine-based recruitment agencies na sasailalim sa istrikong regulasyon ng pamahalaan.

“Kaya apurahin ko ‘yang Department of OFW. Bawal na ang recruitment sa abroad… sa labas. So, under the supervision of government at walang horrendous charges. By December… buong Pilipinas ‘to,” saad ni Duterte sa kaniyang talumpati sa Araw ng Pasasalamat for OFWs ceremony sa Camp Aguinaldo nitong Biyernes (July 12).

Nagbabala rin ang Pangulo sa mga ilegal at abusadong recruiter na bilang na umano ang mga araw ng mga ito, dahil hindi na sila papayagang mag operate nang walang direktang supervision mula sa gobyerno.

Hinikayat naman ni Duterte ang mga nagnanais na magtrabaho sa abroad na makiisa sa serbisyo ng mga legal recruiter.

Sinuportahan naman ni Senador Bong Go ang panukala ng Pangulo sa pamamagitan ng pagpapasa ng Senate Bill 202, o ang Department of Overseas Filipinos Act of 2019.

“The President wants OFWs to avoid illegal recruiters. Many of their victims have approached us. This has to stop,” saad ni Go.

Sa ngayon ay kailangan pa ng mga OFW na pumunta sa iba’t ibang mga ahensya upang kumuha ng mga kailangang dokumento at ipresent ang iba pang concern kagaya ng employment at technical education.

Sakaling maipasa bilang batas ang naturang panukala, ang functions ng Philippine Overseas Employment Agency, Overseas Workers Welfare Administration, Department of Foreign Affairs-Office of the Undersecretary for Migrant Workers Affairs, Commission on the Filipinos Overseas, at ng International Labor Affairs Bureau ay ililipat sa naturang departamento.

“They shouldn’t be passed around from one agency to the next. They don’t have to go through confusing government processes. One department will answer all of their needs,” saad ni Go.

Dagdag pa ni Go, sakop din ng naturang panukalang batas ang pagpapatayo ng “OFW Malasakit Centers” sa lahat ng lalawigan at mga lungsod.

Nagbigay instruksyon na si Pangulong Duterte kay Labor Secretary Silvestre Bello III na makipag-ugnayan sa mga mambabatas at asikasuhin agad ang mga requirements para sa pagpapatayo ng naturang OFW deprtment na nais niyang matapos sa Disyembre.

Maglalaan din umano ang Pangulo ng budget upang magkaroon ng ospital para sa mga OFW.

Makibahagi: Ano ang masasabi mo sa balita na ito?