115
erin-ocampo
By

DSWD umaray sa ‘ampon joke’ ng ‘It’s Showtime’

Sharing is caring!

Kinondena ng Department of Social Welfare and Development (DSWD) ang nakaka-offend umanong biro sa isang segment ng “It’s Showtime”.

Ayon sa DSWD, napaka-insensitibo umano ng mga salitang “ampon ka” at may negative connotation.

“Even if the statement was delivered in a manner of joke and/or for entertainment purpose, the show and the network ha​ve the full responsibility over it,” sabi ni DSWD Acting Secretary Virginia Orogo.

Ang isyu ay nag-ugat sa June 7 episode ng “It’s Showtime”.

Sa “Purokatatawanan” segment, nagbiro si Girltrends Erin Ocampo tungkol sa mga ampon.

Nagtanong si Ocampo kay Jimboy Martin kung paanong gumawa ng pangit na anak?

Pabiro naman itong sinagot ni Martin ng, “Tanong mo sa nanay mo.”

Pero sinalag ito ni Ocampo ng, “Mali. Itanong mo sa totoong magulang mo kasi ampon ka.”

Humingi naman ng paumanhin ang naturang programa sa nasabing insidente at nangakong magiging responsible at maingat sa kanilang mga salita.

Makibahagi: Ano ang masasabi mo sa balita na ito?