29

Jun 7, 2018 @ 17:23
By

‘Domeng’ padayong nagkakusog, Luzon Visayas ulanon

Nagpabilin ang tropical depression “Domeng” sa iyang kusog samtang naglihok kini sa north-northwest karong Huwebes, matud sa Philippine Atmospheric Geophysical and Astronomical Services Administration (Pagasa).

Sa ulahing bulletin sa Pagasa, si Domeng nagdala kinig hangin nga adunay gikusgon nga 45 kilometro matag oras ug adunay unos nga moabot sa 60 kph.

Nakit-an si Domeng mga 605 kilometro amihanan sa Virac, Catanduanes, ug naglihok north-northwest sa gikusgon nga 15 kph.

Matud sa Pagasa, nga mopakusog ni Domeng ang southwest monsoon nga magdala og kusog nga ulan sa Luzon ug Visays.

Nakasinati usab ug kusog nga ulan ug pagdug-dug ang Calabarzon, Mimaropa, Bicol Region, Western ug Eastern Visayas, lakip usab ang mga lalawigan sa Aurora, Bataan, ug Zambales.

Gipaabot nga mogawas sa nasud si Domeng sa karong Dominggo. (Jess Campos)

Makibahagi: Ano ang masasabi mo sa balita na ito?