8,753

Nov 22, 2018 @ 18:27

Doc Willie pasok sa top 20 senatoriables ng DZRH survey

Napasama sa top 20 senatoriables ang celebrity doctor na si Doc Willie Ong sa pre-election survey na isinagawa ng DZRH para sa 2019 midterm election.

Kasama ng tinaguriang celebrity doctor na may milyong follower sa social media ang mga politiko gaya nina Senador Cynthia Villar na nakakuha ng 61.8 porsyento.

Sinundan ito ng aktor at dati nang senador na si Lito Lapid na may 50.3 porsyento.

Pumasok din sa survey sina Sen. Grace Poe, Taguig City Rep. Pia Cayetano, Sen. Nancy Binay, dating Senador Ramon “Bong” Revilla, Jr., dating Senador Jinggoy Estrada, dating Special Assistant to the President Christopher Lawrence “Bong” Go, Sen. Aquilino “Koko” Pimentel III, dating Senador Sergio “Serge” Osmeña III at dating Philippine National Police chief Ronald “Bato” Dela Rosa.

Nag-tie naman sina Sen. Juan Edgardo “Sonny” Angara, dating Department of the Interior and Local Government Secretary Manuel “Mar” Roxas at Ilocos Norte Gov. Maria Imelda Josefa “Imee” Marcos.

Tanging si Ong at ang singer na si Freddie Aguilar ang wala sa politika na napabilang sa top 20 sa 36 na mga nagnanais na maupo sa pagka-senador na kabilang sa survey.

Isinagawa ang survey sa may 7,450 respondents.

Makibahagi: Ano ang masasabi mo sa balita na ito?